لولاك يالفقر كان عرار في نعمه-- الشاعر - فريد عرار

لولاك يالفقر كان عرار في نعمه

الشاعر - فريد عرار

لولاك يالفقر كان عرار في نعمه

وكان كلن وهو يرحم فريد عرار

ولاهترى كان كلن يهتري باسمه

وكان لادم معه من حيث ماهو سار

وكان خلصت ديني ذي في الذمه

وكان بريت بهلي يوم مانا بار

وكان وفر ابو تركي علاج امه

وجاب مصروف للجهال ذي في الدار

ورد كل البيس ذي شل من عمه

وكـــان ســــوى كرافته وبدله كار

وشل جوال متميز في الخدمه

مايشله الا رجال اعمال وســـتثمار

ينبهه لا طلع ولانزل سهمه

والصرف كم زاد في اليورو وفي الدولار

واصحاب موبيل ايضاً ميزو رقمه

ثلاث سبعات رقمه والاخيــر اصفار

ماكان يمسي فريد عرار من همه

يشكي وبالقهر قلبه يحترق بالنار

لاشاف تركي بنه ذي تنشب اللقمه

في وسط حلقه يبطنها بدون اخصار

يالفقر سالك بشرع الله والختمه

وبسم واحد احد فردً صمد جبار

وكل صوره عضيمه جات او كلمه

وكل ايه وجاه المصطفى المختار

ابعد من عرار مالك تنزع الحشمه

منه وهو محتشم بالعز والمقدار

يالفقرسالك بربك عاد شي رحمه

هل تدري ان النبي وصى بسابع جار

وانته معي في السكن والقيت لي زحمه

ماعقك العيش ذي بيني وبينك صار

وانا معك في السمر لما ابصر النجمه

وان رحت شلك معي في ليل ولا نهار