قصيدة للشاعر ابوهدلة لحول مرسله اثنا ماكنت في الهند عام 2023م
ويليها جوابي
 

يقول أبو هدله البداع طاب السمر == في تالي الليل وحدي والخلائق هجيع

بديت افكر وهاجوسي بسرعه حضر == وصغت أبيات شعريه وقافي سريع

انشد على شخص طالت غيبته والسفر== افرق له  الدار والديرة ونا والجميع

أبو أصيل الأصيل الشهم راعي الدرر== ألي مع الناس يتجمل بذي يستطيع

سلام لك يبن هشله خاص بالمختصر== سلام يا شخص متفاني وصدرك وسيع

عبر التواصل وبث التلفزة ينتشر== والراديو كل موجاته سلامي تذيع

أعداد ما يلمي البارق وشن المطر  == وسال سيله وسقى الشاجبه والنقيع

وتصبح الأرض ذي جدباء ملأنه زهر == والجو خلاب والموسم بفصل الربيع

لا هنت  بالله يا المعني تجيب  الخبر == وكيف هي أحوال ذي عندك وكيف الوجيع

صلحت لك في بلاد الهند عندك مقر == ولأعاد ودك يمن وضعه وشكله مريع

وانا أعرفك شخص تعشق ريفها والحضر== ونظرتك ثاقبه دايم وهرجك وقيع

ادعي لك الله أن يحميك من كل شر == وتعود بالخير في حفظ القوي السميع

والختم صلوا على الرحمة لكل البشر== المصطفى ذي لمن صلى وسلم شفيع

جواب ابواصيل  على أبو هدله :

مرحب ملايين عد أشجارها والثمر== مرحب ملا الهند يملا فجها ذي وسيع

ومرحبا عد سكان المدن والحظر ==  بالشاعر الفذ ذي غالي وقدره رفيع

في جو ممطور نسماته تزيل الكدر== تعزز الوضع في ظرف الفراق الشنيع

جات المراسيل من شاعر كتب ما ندر== ينسج ويختار من ذوقه وذوقه بديع

وأتحرك الشوق من مرسول ذيب الغدر== بوهدله الجيد والحيد القوي المنيع

يا مرحبا كل ما مزن السحاب انهمر == يوم اطبق الجو وألجأهم لبرقه شعيع

وصافي الشهد من روس الضياح انحدر== بين المساييل تسمع لنسيابه دويع

واجب نجوب على بداع جوه سبر == لم الهواجيس في جوه وجنه خضيع

غاص المحيطات واتــنقا زيان الصور== وامسى على الجال يندع من بحوره نذيع

أما اليمن غير لكن شعبها ما اعتبر ==  كم راس صمصوم صبّح من بلاها صريع

وكم سنافي حداه الوقت لما طمر== وكم مساكين يمسو في بلدهم هليع

ورغم هذا ورغم أنها تقادح شرر== شوقي لها شوق عباد الحرم للبقيع

ذكر اليمن عند عاشقها يزيل الضجر== الفكر فيها ولا فالهند غير التسيع

وديرتي عين عندي غير كل الدير== هي ذي لها الشوق يحكمني وانا له مطيع

شوقي على عين شوق المجدبة للمطر== وشوق محبوس للخرجة ولا يستطيع

لا اتــسلطن الشوق قلبي بالشجون انغمر== يمسي له القلب خاضع والمحاني ركيع

في حجب لحرار حيث الجد فيها استقر == محجوبه الدار من لعداء وفوج الصقيع

والختم صلوا على المختار ذكره حضر == محمد المصطفى ياخير والله شفيع